Kohhran chanchin

Kohhran hming : New Capital Complex Presbyterian Kohhran

Dinchhoh dan tlangpui :

       July ni 5,2005 ah Khatla Kohhran Upa Bial 12na ah dah niin, bilatu hi Upa Dr.Vanlalzara a ni. Khatla Bial vawngtu chu Pastor C.Sangliana a ni a. Kum 2006 January atangin Upa Bial 15-na ni ve thungin; bialtu Upa Zoliana Royte hovin inkhawm hmasak ber ni chu January 14, 2006 ah neih a ni a. Heta tang hian inrinni zan apiangin Bialtu Upa hovin kan inkhawm hrang ve a. June 18,2006 zanah upa Bial 15 Committee din a ni. Khatla area a nih avangin pem apingte Khatla Kohhranah dawnsawn kan ni a. Bungkawn Kohhran mi New Capital a rawn awmte chhungkaw 10 leh Khatla Kohhran a pem leh Khatla a lawi sa chunga New Capital a awmthla belhkhawm chhungkaw 36 leh hmundanga la lawi rih chhungkaw 6-te nen, kan vaiin chhungkaw 52 kan awm a ni.

      Kum 2006 Khatla Pastor Bial inkhawmpuiah Khatla kohhran palai angin New Capital mi  pali(4) kan tel ve a ni. Kum 2005 October thlaah Khatla Kohhran leh Bungkawn Joint Committee vawi hnih an lo nei tawh a,New Capital Complex Presbyterian Church Fellowship din thu an lo rel tawh a ni. Heta rel ang hian December ni 4, 2006-ah felloeship chu urhsuh takin hawn a ni a, kum a tawp tep a, kumthar 2007 Fellowship Committee tur pawh ruat nghal a ni a. Hetih lai hian Khatla East Kohhran an lo indang ve mek bawk a ni. Keini Upa Bial 15/B-na ni mek kha kum 2007 ah chuan Bial 13-na kan lo nita a. Bialtu ah Upa Zoliana Royte ruat a ni leh a. January ni 16, 2007 zanah NCC Presbyterian Fellowship inkhawm hmasaber chu bialtu Upa hovin neih a ni. Thlathum chhung chu Puitling leh naupang sunday school chauh kan inkhawm thin a. April,2007 atangin Sunday School bak ah pathianni zan kan inkhawm leh a. September, 2007 atang chuan Pathianni chawhnu pawh kan inkhawm telve leh a. Tichuan, September thla atang chuan  inkhawm pangngai a bikim in kum 2007 chu kan lo inkhawm tluan ve ta a ni. Kum 2008 kan kai chho zel a. Pemlutte kan lo pung ve zel a, june,2008 ah chuan Khatla pastor Bial khawmpui vawi 11-na rel angin Brnch Church-ah hlankai kan lo ni ta  ani. Enkawltu upa leh Branch Church Committee kan lo nei ta a. Kohhran thunun leh lakluh te, pem dawnsawn te, leh kohhran inrelbawlna tul awm chin dang dangte pawh enkawltu upa hovin kan lo nei hrang ve ta a ni.Hetiang hian kum 2008 kan hmang a. Kum 2009-ah chuan enkawltu ah Upa PC Lalrin Mawia ruat a ni a. October, 2009-a Aizawl Chhim Presbytery Inkhawmpuiin a rel angin November 28,2009-ah Kohhran puitling niin kan lo ding ve ta a. Keimahni kohhran upa kan nein hma chu min enkawl zui turin Upa PC.Lalrin Mawia chu ruat a ni. Kum 2010 Presbytery inkhawmpuiin upa panga thlan min phalsak a, pahnih kan thlangtling a. Kan thlantlin te hi kum 2011 Presbytery Inkhawmpuiah nemngheh niin he khawmpui zawhah hian min enkawltu upa chuan min tinsan ta  a ni.

Kohhran inchhiarna, 2013 :

Kohhran upa zat                                                               :                   3
Pem upa zat                                                                     :                    1
Danzawhkim danchhunga awm mek                                  :                    390
Puitling baptisma chang danzawhkimlo                              :                     2
Naupang kum 14 hnuailam baptisma chang tawh               :                     183
Thunun lai mek                                                                 :                     9
Baptisma la changlo zawng zawng                                     :                     6
Mipa zawng zawng zat                                                      :                     270
Hmeichhia zawng zawng zat                                              :                     320
Kohhran mi zawng zawng (9+10)                                      :                    590
Kan kohhranmi awmhlangna chhungkua                             :                    130
Inawmpawlhna chhungkua                                                 :                     5
Dan zawhkim thar zat                                                         :                     14
Thunun lakluhthar zat                                                         :                     12
Puitling baptisma chang thar zat                                          :                     1
Kum 14 leh ahnuailam baptisma chang thar zat                   :                      13
Naupiang zat                                                                     :                      8
Mitthi zat                                                                           :                      3
Kum 6 chunlam zawng zawng zat                                      :                       510
Mipa kum 6 chunglam ziak leh chhiar thiam                        :                       231
Hmeichhia kum 6 chunglam ziak leh chhiar thiam                :                        276
Naupang kum 6 chin hnuailam zawng zawng                      :                        80
Sunday School zirlai zat                                                     :                        419
Sunday School zirtirtu zat                                                  :                        58


Kum 2013 Committee hrng hrang hruaitute:

Kohhran Committee Chairman      :   Pastor RS Rokima (Bialtu Pastor)
Kristian Thalai pawl Leader            :  R.Lalrosiama
Kohhran Hmeichhe Chairman         : Lalhmingliani Hlondo
Pavalai Chairman                            : PC. Lallianthanga